A組冠軍 大魚腩足球隊2019-07-19T19:09:31+08:00

A組冠軍 大魚腩足球隊

大魚腩足球隊成立 已經超過20年, 係由一個教暑期足球班嘅教練同咁多年喺暑期足球班認識嘅球員組成。 大魚腩足球隊沒有任何贊助, 所有裝備 甚至訓練場地, 都係由我哋主教練出錢 同埋自己book場。

而家參加比賽呢班大魚腩嘅足球員, 全部都係十三四歲, 四年前 ,大家認識喺一間地區嘅足球學校。
事源我哋嘅教練喺四年前, 機緣巧合下 喺呢間足球學校教波, 被編排任教呢班小朋友。 呢班小朋友初期出去比賽基本上 每次一定都係會輸波, 有陣時甚至輸雙位數。 基於商業因素, 球隊面臨解散,但係教練覺得佢哋唔係咁差, 不過球會唔想浪費資源。 最後由家長 夾錢 出教練費, 所以球隊可以維持。
因為教練覺得佢哋之前 嘅訓練有問題, 要用好多心機幫佢地練基本功, 重新學起。 小朋友非常聽話, 刻苦耐勞。 每次訓練接近四小時, 小朋友都冇任何 怨言。 訓練期間 非常辛苦甚至嘔吐, 佢哋仍然都會喊住咁訓練。 經過半年嘅辛苦, 再次去參加比賽。
終於贏到佢哋第一個冠軍, 之後嗰幾年。 每次比賽都可以進入決賽, 甚至面對大球會例如車路士,阿仙奴足球學校, 完全不落下風。
甚至出去參加公開賽, 面對超聯球隊青年軍, 仍然可以取得勝利。 現在大部分球員, 成功考入大球會, 有幾位今年甚至攞埋 全港青少年足球聯賽冠軍。
呢班小球員, 用咗自己嘅努力。證明咗 努力可以得到回報, 就算人哋放棄你,自己都唔可以放棄自己。

高清相片點擊下列連結下載