難聽嘅說話想唔想聽？
覺唔覺得你Instagram 嘅相都好唔自然，你睇下？磨皮磨到無哂detail, 甚至搞到啲環境變哂型…
今次，小編推薦個免費app俾大家，個名叫做Pixlr。
Pixlr主要功能有三大個，包括 拼貼、模板、編輯相片。
－ 拼貼，即係將啲相合拼埋一張，方便大家喺IG, FB到一次過show哂想要嘅畫面，入面有好多野可以調較，都幾好用。
－ 模板，小編最小用嘅功能，畢竟要做到依個程度，我會開部電腦出嚟做…
－ 編輯相片，多種調色執相功能，仲有馬賽克筆刷，最最最重要係有相片修復筆刷，亦係小編今次主要推薦嘅功能！
如何修復 暗瘡、傷痕、墨 等等？
1）首先，入到Pixlr，㩒 相片。
2）然後，揀一幅你要編輯嘅圖。
3）揀完入到去，揀 最左下，你就會見到各種各樣嘅工具。
4）其中，修復功能 係比較特別嘅功能！
5）入到去，有三個掣：去點、描影、去高光。
去點：修復皮膚缺陷，例如暗瘡、傷痕、墨等等。
描影：增加光度，突顯重點靚位。
去高光：減少光度，製造更深嘅陰影，遮蔽缺陷。
如果你同我一樣，追求P咗都冇人知嘅靚靚相，依個功能就岩哂你！
左：Before 右：After
其它功能
小編都非常推薦 馬賽克 功能！小編主要用嚟遮車牌。
其它功能都非常好用，其中 拼貼 功能，可以將幾幅相拼埋，小編周不時都會用㗎！
有興趣嘅朋友 ，ios同Android系統都有㗎！仲免費download添！
App 下載：
留言